Im Ougschte hei mir ahgfange theatere. Jede Donnschti simer freiwiuig zäme cho (mir hei müesse ;-) ), für z üebe dasmer ändi Jäner (29.1/30.1/31.1) es fixfertigs Theater zäme hei.
Mir si mega gspannt gsi uf z Theater, womer du äbe ersch im Oktober z läse hei über cho. Z Theater het dr Titu gha: „Das Gespenst von Canterville“.
Mir hei nis mega druf gfröit z erfahre weli Roue dasmer hei u ändlech mit em Üebe azfah. Zersch heimr lang Text güebt, u güebt, u güebt ......u güebt. Nach öbe zwene Mönet simr du ändlech uf d Bühni gha üebe. Mir hei gluegt wär was bringt u hei langsam abr sicher afe d Bühni irichte, vor u nach de Wiehnachtsferie heimr du endlech Bühni chöne fertig mache, das heisst mir hei üser „superstabile“ Büechergsteu igruhmt u d Uhr ufghäicht u no viu angers. Dür z vile probe heimr gar nid gmerkt wie schnäu Zyt vergeit, mir hei no grad gluegt das aui z richtige Kostüm hei, u scho isch Jäner gsi! När isch du z Fränzi cho u het nis mega schöni Frisure gmacht. U ufzmau isch scho di erschti Houptprob vor dr Tür gschtange. Aui si närvös gsi. Aber mit em Herr Häusler sine Entschpanigsüebige u vorauem mit dr Musig womer hei glost isches sofort besser gsi ;-). 
D Uffüerige hei gfägt, es het immer öpis z lache gä!!! Mir hei das haube Jahr sehr gnosse! D 8. Klässler unger üs fröiesich scho uf z nächschte mau u hoffe das die izige 9. Klässler Zyt hei, de mau e Uffüerig cho z luege. 

 Selina, Svenja, Timo